အိမ်ခေါင်မိုးပေါ်ကို တဖြောက်ဖြောက် ရိုက်ခတ်နေသည့်မိုးသံကြောင့် မှေးခနဲ ဖြစ်နေရာမှ ကျွန်တော်
ဆတ်ခနဲ နိုးထလာမိသည်။ ပြတင်းတံခါးပေါက်မှတဆင့် အပြင်ကို မျှော်ကြည့်မိတော့
မိုးတွေလေတွေက တ၀ုန်းဝုန်း။ ရှစ်ခွင်တိုင်း အုံ့ဆိုင်းပြီး မှုံ့မှိုင်းနေချေပြီ။ သြော်.. အနောက်တောင်
မုတ်သုံလေတောင် ၀င်လာခဲ့ပြန်ပြီတကား။
အိမ်ရှေ့က လူသွားလမ်းမှာတော့ အိမ်ပေါင်းစုံ နေရာပေါင်းစုံက အသွယ်သွယ်စုပေါင်းဖြစ်ပေါ်လာသော ချောင်းရေတွေက တဝေါဝေါ စီးလို့ နေပြီ။ ခပ်နောက်နောက် ဖြစ်နေသည့်
ဒီချောင်းရေထဲတွင် ရပ်ကွက်ထဲက ကလေးတွေက မြူးတူးပျော်ပါးစွာ ပြေးလွှား ဆော့ကစားလို့။
လျှက်စီးတွေ တ၀င်းဝင်း၊ မိုးခြိမ်းသံ တဂျုန်းဂျုန်းအောက်မှာ ကလေးတွေကလည်း တပြုံးပြုံးပါပဲ။
ဒီလိုရေဆိုးရေညစ်တွေထဲမှာ ပါလာနေကြ အမှိုက်သရိုက်တွေ၊ ရောဂါပိုးတွေကို သူတို့ မမြင်နိုင်၊
မမြင်နိုင်လောက်အောင်လည်း အသိဥာဏ် နုနယ်နေကြပါသေးလား။
ဟုတ်ပါသည်၊ ၀သန်မိုးနှင့်အတူ ဒီအချိန်ရောက်လျှင် ဖြစ်လေ့ရှိတဲ့ ဖြစ်ပွါးနေကျ ရောဂါပေါင်းစုံက
မဖိတ်ခေါ်ဘဲ ရောက်လာဦးမည်။ အဓိကကတော့ သွေးလွန်တုပ်ကွေးနှင့် ၀မ်းပျက်ဝမ်းလျှော ရောဂါတွေပေါ့။
နှစ်စဉ်နှစ်တိုင်းလည်း ကြုံတွေ့နေကျ၊ ဆေးရုံဆေးခန်းများတွင်လည်း ဒီအချိန်အခါဆိုလျှင် ဒီရောဂါတွေက
အဓိကနေရာယူ နေဆဲပင်။ အခန့်မသင့်လျှင်ပဲ ဖြစ်ဖြစ် ၊အချိန်နှောင်းလျှင်ပဲ ဖြစ်ဖြစ် အသက်ကိုတောင်
ရန်ရှာတတ်သည့် မိုးရာသီ ဧည့်သည်များပင် ဖြစ်ပေတော့သည်။
သွေးလွန်တုပ်ကွေးအစ
အဓိက အဆိုးဆုံးကတော့ သွေးလွန်တုပ်ကွေးပင်ဖြစ်သည်။ ဒီရောဂါ စတင်ခဲ့သည်က အေဒီ ၂၆၅
လောက်ကတည်းက ဟု ဆိုကြသည်။ မှတ်တမ်းမှတ်ရာ များတွင်လည်း သွေးလွန်တုပ်ကွေးလိုမျိုး
ရောဂါတွေ လူအစုလိုက်အပြုံလိုက်ဖြစ်ဖူးခဲ့သည် ဟု ပြောထားပြန်သည်။ outbreak ဟု အမည်ခေါ်ဝေါ်သော လူတွေ
အစုအလိုက်အပြုံလိုက် ရောဂါ ဖြစ်တာကတော့ ၁၆၃၅ ခုနှစ်က အနောက်အိန္ဒိယတွင် ပထမဆုံး
စတင်ခဲ့ပါသည်တဲ့။ ဒီလိုနဲ့ ကြိုးကြားကြိုးကြား ဖြစ်ရာကနေ ဒုတိယကမ္ဘာစစ် ပြီးတဲ့နောက်ပိုင်း
လူနေမှုစရိုက်တွေ ဖရိုဖရဲဖြစ်၊ ကျန်းမာရေး စောင့်ရှောက်မှုတွေလည်း ကမောက်ကမဖြစ်ပြီး
သွေးလွန်တုပ်ကွေးဗိုင်းရပ်စပ်က ကမ္ဘာအနှံ့ ခြေဆန့်ခဲ့လေတော့သည်။
သွေးလွန်တုပ်ကွေးရောဂါကနေ အဆင့်ပိုဆိုးလာသည့် သွေးထွက်လွန်တဲ့ အဆင့်ရှိ ရောဂါကိုတော့
၁၉၅၃ ဖိလစ်ပိုင်နိုင်ငံ မနီလာမြို့မှာ စ တွေ့ခဲ့ရပါသည်။ ၁၉၅၀ ၀န်းကျင်လောက်တုန်းကတော့
သွေးလွန်တုပ်ကွေး outbreak ဖြစ်သည်မှာ ၉ နိုင်ငံလောက်ပဲရှိသေးသည်။ ယနေ့ ခေတ်ကျတော့ နိုင်ငံပေါင်း
၁၀၀ ကျော်ခဲ့ပါပြီ။ တိုးတက်လာသော ခေတ်နှင့်အမှီ ဒီရောဂါဆိုးရဲ့ လွှမ်းမိုးနိုင်မှုကလည်း တရိပ်ရိပ်
မြင့်တက်လာဆဲပါပဲ။ အရှေ့တောင် အာရှနိုင်ငံတွေမှာဆိုရင် ကလေးငယ်တွေ ဆေးရုံတက်ရတဲ့ အကြောင်းရင်း၊ သေဆုံးရတဲ့ အဓိအကြောင်းရင်းထဲမှာ သွေးလွန်တုပ်ကွေးက အဓိကဇတ်ကောင်ပင်
ဖြစ်ပေသည်။
သွေးလွန်တုပ်ကွေးဟာ အသက်အရွယ်မရွေး ဖြစ်နိုင်သည်။ သို့ပေမင့် ဒီရောဂါက အသက် ၁၅နှစ်အောက်
ကလေးများကိုသာ အဓိက ပစ်မှတ်ထားပြီး ဒုက္ခပေးသည်။ ရံဖန်ရံခါ ကလေးငယ်တို့ ၏ အသက်ကိုပင်
အမှည့်ခြွေ ခြွေတတ်သေး၏ ။
သွေးလွန်တုပ်ကွေး ဘာကြောင့်ဖြစ်သလဲ
သွေးလွန်တုပ်ကွေးဖြစ်စေတဲ့ ဗိုင်းရပ်စ်ကို Dengue virus ဟုခေါ်သည်။ မျိုးစိပ်ခွဲက ၄မျိုးရှိသည်။
၎မျိူးလုံးက သွေးလွန်တုပ်ကွေး ဖြစ်စေသည်။ ဒါကြောင့်မို့  သွေးလွန်တုပ်ကွေး တစ်ခါဖြစ်ဖူးတာနဲ့ 
နောင်တချိန် မဖြစ်နိုင်ဘူးလို့  ပြော၍ မရနိုင်ပေ။ ၀က်သက်လို ရောဂါမျိုးက တစ်ခါဖြစ်ဖူးတာနဲ့
နောင်တကြိမ် ဆက်မဖြစ်နိုင်တော့။ သွေးလွန်တုပ်ကွေးကတော့ အကြိမ်ကြိမ် အခါခါ ဆက်ဖြစ်နိုင်သည်။
သွေးလွန်တုပ်ကွေးဗိုင်းရပ်စ်ကို အဓိက ဖြန့် ဖြူးသယ်ပို့ ပေးတာကတော့ ခြင်ကျားတွေပင်
ဖြစ်သည်။ အေးဒီးစ်အေဂျပ်တိုင်း( Aedes aegypti ) ဟု ခေါ်ပါ၏ ။ သူတို့ ၏ တံတွေးဂလင်းတွင်
သွေးလွန်တုပ်ကွေးဗိုင်းရပ်စ်ပေါင်း အကောင်ရေများစွာရှိသည်။ ခြင်ကျားအမတွေက လူ၏သွေးကို
စုပ်လိုက်သောအခါ ဗိုင်းရပ်စ်တွေက လူ့သွေးကြောထဲကို အလွယ်တကူပင် စီးဆင်းလာခဲ့သည်။ ဒီလိုနှင့်
ရောဂါပိုးအတိုက်ခိုက်ခံရသော လူမှတဆင့် အခြား တစ်ဦးမှတစ်ဦးထပ်ဆင့်ကူးဖို့ အတွက် ခြင်ကျားများက
အဓိက အကြိုအပို့  လုပ်ပေးချေတော့သည်။
ခြင်ကျားဟူသည်
အရွယ်ရောက် ခြင်ကျားတစ်ကောင်၏ သက်တမ်းမှာ ပတ်ဝန်းကျင်အခြေအနေပေါ် မူတည်ပြီး
ရက်သတ္တပတ် ၂ပတ်မှ တစ်လ၀န်းကျင်ခန့်  ကြာမြင့်တတ်သည်။ ခြင်ကျားအမသည်၎င်း၏
သက်တမ်းတလျှောက်မှာ ငါးကြိမ်အထိ ဥ ဥနိုင်သည်။ တကြိမ် ဥ ဥ ပါက ဥပေါင်း တစ်ရာမှ နှစ်ရာထိ
ရှိနိုင်သည်။ ဥ ဥ ချနိုင်သည့် နေရာတွေကတော့ အဖုံးမရှိတဲ့ ရေစည်ပိုင်း၊ ပေပါ၊ အုတ်ကန်တွေ၊
ဘုရားပန်းအိုး၊ စားပွဲတင်ပန်းအိုးတွေ အစရှိတဲ့ ရေသန့် တွေရှိရာ မျက်နှာပြင်ပေါ်တွင်ပဲ ဖြစ်သည်။
မိုးတွင်းဆိုလျှင်တော့ အိုးခြမ်းပဲ့တွေ၊ သံဗူးခွံတွေ၊ ကားတာယာအဟောင်း အစရှိတဲ့ ရေ၀ပ်သည့်
နေရာတွေမှာလည်း စိတ်ကြိုက် ဥ ဥ တတ်ပေသည်။
ဒီခြင်ဥတွေက တစ်မီလီမီတာခန့်  ရှည်လျားပြီး ခြောက်သွေ့တဲ့ ပတ်ဝန်းကျင်မှာဆို၇င်
တစ်နှစ်လောက်ထိ မပျက်မစီးဘဲ ရှိနေနိုင်ပြီး အခွင့်သင့်လို့  ရေရပြီဆိုပါက ပုံမှန် အဆင့်အတိုင်း
အကောင်ပေါက်နိုင်သည်။ ဤမျှလောက်ထိ သက်တမ်းကြာနိုင်တဲ့ ဥများပင် ဖြစ်ပေသည်။ ဒါကြောင့်လည်း
သွေးလွန်တုပ်ကွေးရောဂါကို ထိန်းချုပ်ရ ခက်ခဲနေခြင်း ဖြစ်နိုင်ပါလိမ့်မည်။ ခြင်ဥကနေ အကောင်ပေါက်လာတဲ့ သားလောင်းလေးတွေကတော့ ရေထဲမှာရှိတဲ့ ရေညှိတွေ၊ သာမန်မျက်စိနဲ့ မမြင်ရတဲ့ အကောင်ဗလောင်တွေကိုစားပြီး ဖွံ့ဖြိုးကြီးထွားကြသည်။
သားလောင်းလေးတွေဟာ ရေမျက်နှာပြင်ပေါ်မှာ ဟိုဟိုဒီဒီ ပြေးလွှားနေတတ်ကြသည်။
ဒီခြင်သားလောင်းတွေကို ကျွန်တော်တို့  အိမ်တွေမှာရှိတဲ့ အဖုံးမရှိတဲ့ ကန်တွေ၊ အိုးတွေမှာ အလွယ်တကူ
မြင်ရတတ်ပါသည်။ ဒီလိုနဲ့  အဆင့်ဆင့် ခြင်အကောင်လိုက်ဖြစ်လာ၊ လူကို ကိုက် ရောဂါပိုးတွေလည်း ပျံ့
နောက်ဆက်တွဲ ပြဿနာတွေ ဖြစ်ကုန်တော့ချေသည်ပေါ့။
ဒီခြင်ကျားတွေက နေ့ ခင်းဘက်တွင်သာ လူဆီက သွေးစုပ်ယူတတ်လေ့ရှိပါသည်။ ဒါကြောင့်မို့ 
နေ့ခင်းဘက် ခြင်ထောင်မထောင်ဘဲ ကလေးတွေကို အိပ်စေမည်ဆိုရင် ခြင်ကိုက်ခံရပြီး ရောဂါပိုး
ဝင်လာနိုင်၏။
သွေးလွန်တုပ်ကွေး လက္ခဏာ
ခြင်အကိုက်ခံရပြီး ၃ရက်မှ ၁၀ ရက်အတွင်း ရောဂါ လက္ခဏာ ပေါ်ပေါက်လာမည်ဖြစ်သည်။
သွေးလွန်တုပ်ကွေး လက္ခဏာက ထူးထူးဆန်းဆန်းတော့ မဟုတ်။ သာမန် အအေးမိ ဖျားနာကဲ့သို့ ပင်
ဖြစ်သည်။ ကလေးမှာ ချက်ချင်း အဖျားတက်လာမည်။ ၂ရက်မှ ၇ ရက်ခန့် ထိ ဆက်တိုက် လိုလို
ဖျားနေနိုင်ပါသည်။ ထို့ နောက်ခေါင်းကိုက်မည်၊ ပျို့မည် အန်မည်။ အဆစ်တွေ ကြွက်သားတွေ
နာကျင်နေတတ်သည်။ ခန္ဓာကိုယ်တွင် အနီစက် အပြောက်လေးတွေ ပေါ်လာနိုင်သည်။
သွေးလွန်တုပ်ကွေးရောဂါ ပျောက်ကင်းပြီးစအဖျားကျသည့် အချိန်တွင်လည်း အနီစက်တွေ ပေါ်လာကောင်း
ပေါ်လာမည်။ အထူးသဖြင့် ခြေတွေ လက်တွေမှာ ပေါ်လာတတ်သည်။ ဒီလို ပေါ်လာခြင်းသည်
ရောဂါအခြေအနေ တိုးတက်ကောင်းမွန်လာခြင်းကို ဖော်ပြခြင်း ဖြစ်သည်။
အဓိက သတိထားရမှာကတော့ ရောဂါစဖြစ်ပြီးသည်မှစကာ ခန္ဓာကိုယ်တွင်း သွေးယိုစီးဆင်းမှု
အဆင့်ကို ရောက်မသွားစေရန်ဖြစ်သည်။ သွေးလွန်တုပ်ကွေး ကူးစက်ခံရပါက ခန္ဓာကိုယ်ရှိ
သွေးကြောများတွင် စိမ့်ဝင်နိုင်မှု မြင့်တက်လာပြီး သွေးကြောထဲမှ သွေးရည်ကြည်များ အပြင်သို့ ယိုစီး
ဆုံးရှုံးမှု ဖြစ်လာနိုင်သည်။ ဒီအခါတွင် အရည်ဓါတ်ခန်းခြောက်ပြီး သွေးလန့် ခြင်း အဆင့်ဖြစ်ပေါ်ကာ
နောက်ဆုံးအနေဖြင့် အသက်ဆုံးရှုံးနိုင်မှုပါ ဖြစ်စေတတ်ပါသည်။
သတိပြုရန် အချက်များ
သွေးလွန်တုပ်ကွေး ရောဂါသည် သာမန်အားဖြင့် ဆိုးကျိုးများစွာ မပေးနိုင်သော်လည်း သွေးလန့် 
ခြင်းအဆင့်(shock)ကို ရောက်သွားပါက အထူးတလည် ဂရုပြုရမည်ဖြစ်ပါသည်။ မိမိတို့  ရင်သွေးငယ်များ
သွေးလွန်တုပ်ကွေးရောဂါ ခံစားရပြီဆိုပါက သွေးလန့် ခြင်း အဆင့် ရောက်၊ မရောက် သတိထားပြီး
စောင့်ကြည့်သင့်ပါသည်။ ကလေးမှိန်းသွားသလား၊ ဂဏာမငြိမ် ဖြစ်နေသလား၊ အဆက်မပြတ်
အန်နေသလား၊ ခြေဖျားလက်ဖျားများ အေးစက်လာသလား၊ ဗိုက်နာသလား၊ ဆီးသွားတာ နည်းသွားသလား သွေးယိုစီးမှု လက္ခဏာတွေဖြစ်တဲ့ နှာခေါင်းသွေးလျှံတာ၊ ကတ္တရာစေးအရောင်
ဝမ်းအမဲသွားတာ၊ ကော်ဖီရောင် အန်တာတွေ စတာတွေ ရှိသလားဆိုတာကို သတိပြုရမည်ဖြစ်ပါသည်။
ကလေးငယ်များတွင် ဖျားသည် အန်သည် ဆိုပါက ကော်ဖီမတိုက်သင့်ပါ။ အန်သည့်အခါ
သောက်လိုက်သည့် ကော်ဖီများကို ပြန်အန်သလား၊ ဒါမှမဟုတ် သွေးယိုစီးမှုကြောင့် ကော်ဖီရောင်
အန်သလားဆိုတာကို ခွဲခြားရန် ခက်ခဲပါသည်။ ဒါကြောင့်မို့  ကော်ဖီအစား အခြားအရည်များကိုသာ
တိုက်ကျွေးသင့်ပါသည်။
သွေးယိုစီးမှု စစ်ဆေးခြင်း
မိုးရာသီအတွင်း ကလေးငယ်များ ဖျားနာပြီဆိုပါက ဆရာဝန်များအနေဖြင့် မလွဲမသေ
စစ်ဆေးရသည့် စမ်းသပ်ချက် တစ်ခုရှိပါသည်။ Hess test ဟု ခေါ်ဆိုပါသည်။ ကလေးငယ်၏ လက်တွင်
သွေးပေါင်ချိန်တိုင်းကိရိယာဖြင့် သွေးပေါင်ချိန်ကို ၈၀မီလီမီတာ မာကျူရီ အထိ တင်ထားပြီး ၅မိနစ်ခန့် 
ထားပြီး စောင့်ကြည့်ပါသည်။ ထို့ နောက် သွေးပေါင်ချိန်တိုင်း ကိရိယာကို ဖြုတ်ပြီး တံတောင်ဆစ်ကွေး၏
ရှေ့ဘက် လက်ဖျံအတွင်းဘက်တွင် အနီစက်များ ပေါ် မပေါ် စစ်ဆေးရပါသည်။ အကယ်၍
ပေါ်လာပြီဆိုပါက ၎င်းဧရိယာရှိ တစ်လက်မ ပတ်လည်စတုရန်းကွက်အတွင်းရှိ အနီစက် အရေအတွက်ကို
ရေတွက်ပြီး အနီစက် ၁၅ စက်ထက်ပိုပါက Hess test positive ဟု သတ်မှတ်နိုင်ပါသည်။
ဤစစ်ဆေးမှုသည် သွေးယိုစီးဆင်းမှု ရှိမရှိ စစ်ဆေးခြင်းဖြစ်ပါသည်။ ကလေး အဖျားမကျခင် နေ့  တိုင်း
စစ်ဆေးကြည့်သင့်ပါသည်
အရည်များများတိုက်ရန်လို
သွေးလွန်တုပ်ကွေးရောဂါသည် သွေးလန့် ခြင်းအဆင့်ကို မရောက်ပါက အထူးတလည်
ဆေးဝါးများဖြင့် ကုသရန် မလိုအပ်ပါ။ အဖျားကြီးပါက ရေပတ်တိုက်ပေးနိုင်ပါသည်။ အဓိကမှာ
အရည်ဓါတ်မခန်းခြောက်စေရန်ဖြစ်သဖြင့် အရည်များများတိုက်ရန်ဖြစ်ပါသည်။ ဓါတ်ဆားဖျော်ရည်လည်း
တိုက်ကျွေးနိုင်ပါသည်။ ကိုယ်ခံအားတက်လာမှသာ ရောဂါကို အမြန်ဆုံး တိုက်ထုတ်နိုင်မည်ဖြစ်သဖြင့်
အာဟာရရှိသော အစားအစာအများ စနစ်တကျ ကျွေးဖို့  အလေးထားသင့်ပါသည်။ သွေးကြောများမှ
သွေးရည်ကြည် ယိုစီးမှုကြောင့် အရည်ဓါတ်ခန်းခြောက်သည့် လက္ခဏာများရှိ မရှိကိုလည်း မကြာခဏ
စစ်ဆေးပေးရပါမည်။ ကလေး၏ ခြေဖမိုးပေါ်တွင် လက်မဖြင့် ခဏဖိထားပြီး လွှတ်လိုက်ပါ။ဖိထားသော
နေရာတွင် အရောင်ဖျော့နေပါမည်။ သာမန်ကလေးများတွင် ၂စက္ကန့်  အတွင်း လက်မဖိထားသော
နေရာတွင် သာမန်အရောင်ကို ပြန်ရောက်ရှိမည်ဖြစ်ပြီး ၆စက္ကန့် ထက် ပိုကြာပြီးမှ တဖြည်းဖြည်းချင်း
သာမန်အရောင်ကို ပြန်ရောက်သည်ဆိုလျှင် အထက်ပါ ကလေးငယ်မှာ သွေးကြောအတွင်း အရည်ဓါတ်
လျော့နည်းနေပြီ ဖြစ်ပါသည်။ သတိထားဖို့ လိုအပ်ပါသည်။ အချိန်မှီဆေးရုံ ဆေးခန်း ပို့ ပေးပြီး ထိရောက်စွာ
ကုသမှု ခံယူသင့်ပါသည်။
ကာကွယ်ခြင်းသည် အရေးအကြီးဆုံး မိသားစု တစ်စုတွင် ကလေးဖြစ်စေ၊ လူကြီးဖြစ်စေ မိသားစုဝင် တစ်ဦးဦး နာမကျန်းဖြစ်ပါကအလွန်ကရိကထ များလှပါသည်။ အကောင်းဆုံးနည်းလမ်းကတော့ မဖြစ်ခင်ကတည်းက
ကာကွယ်နိုင်ဖို့ အရေးကြီးပါသည်။ ခြင်ကြောင့် သွေးလုပ်တုပ်ကွေး ဖြစ်သည်ဆိုလျှင် ခြင်ကိုနှိမ်နှင်းနိုင်ဖို့ 
လိုသည်။ ခြင်အကိုက်မခံရအောင် နေထိုင်တတ်ဖို့ လိုသည်။ ဘယ်လိုကာကွယ် နေထိုင်ရမည်ဆိုတာ
လူတိုင်းနီးပါး သိပြီးဖြစ်ပါသည်။
ခြင်ပေါက်ဖွားနိုင်သည့် ရေ၀ပ်နိုင်သော နေရာတွေ နည်းနိုင်သမျှ နည်းအောင်လုပ်ရမည်။ ပီပါ၊
အုတ်ကန်၊ ရေအိုး အစရှိတာတွေကို စနစ်တကျ ဖုံးထားရမည်။ နေ့ခင်းဘက် ကလေးငယ်များ
အိပ်စက်သောအခါ ခြင်ထောင်ထောင်၊ အကျီအထူ အစရှိတာတွေဝတ်ပေးပြီး လုံလုံခြုံခြုံရှိစေရမည်။
မိမိတစ်အိမ်တည်း စည်းကမ်းလိုက်နာ စနစ်တကျနေထိုင်ရုံမျှနှင့် မပြီးသေး၊ မိမိပတ်ဝန်းကျင်တွင်လည်း
အမြင်မတော်တာရှိက ပရဟိတစိတ်ကလေးမွေးပြီး ခြင်အန္တရာယ်တားဆီးသင့်ပါသည်။
မိသားစုတစ်စုသာလျှင် ကျန်းမာရေးအသိ ရှိရုံမျှနှင့် သွေးလွန်တုပ်ကွေး ရောဂါကို
ကာကွယ်နိုင်မည်မဟုတ်ပေ။ မိသားစုတိုင်း၊ ရပ်ကွက်တိုင်း၊ မြို့ရွာတိုင်း ကျန်းမာရေး သတိရှိဖို့ 
လိုအပ်လှပါသည်။ မသိသေးသူရှိပါက သိရှိနားလည်အောင် စေတနာရှေ့ထား ပြောကြားပေးရမည်။
တစ်မြေတည်းနေ တစ်ရေတည်းသောက်ကြသူအချင်းချင်း ညီညွတ်ရိုင်းပင်းမှသာ ခြင်အန္တရာယ်ကို
ကာကွယ်နိုင်မည်ဖြစ်သည်။ ဒီလိုခြင်ပေါက်ဖွားမှုကို ထိန်းချုပ်နိုင်မှ သွေးလွန်တုပ်ကွေးရောဂါကို
တားဆီးနိုင်မှာဖြစ်ပြီး မလိုလားဘဲ ကလေးသူငယ်များ အသက်အန္တရာယ်ဆုံးပါးခြင်းကို အချိန်မှီ
ကာကွယ်နိုင်မှာ ဖြစ်ပါသည်။
ဝမ်းပျက်ဝမ်းလျှောခြင်း
နောက်တစ်ခု၊ မိုးရာသီမှာ မခေါ်ဘဲ လာနေကျ ဧည့်သည်ကတော့ အများသိကြတဲ့အတိုင်း
ဝမ်းပျက်ဝမ်းလျှောရောဂါပင်ဖြစ်သည်။ ဘာကြောင့် ၀မ်းပျက်ဝမ်းလျှောဖြစ်ကြသလဲ၊ လူတိုင်းနီးပါး
သိကြပြီးဖြစ်ပါသည်။ သို့သော် အသိရှိသော်ငြား အကျင့်မရှိက မသိသေးသကဲ့သို့ ပင်၊ ၀မ်းရောဂါများ
ကလည်း နှစ်စဉ်နှစ်တိုင်းဖြစ်ပွါးနေဆဲပါပဲ။
ဝမ်းရောဂါဖြစ်စေတဲ့ အကြောင်းရင်းကို လူကြီးတိုင်းလိုလိုသိသော်လည်း အသိမကြွယ်သေးသော
ကလေးသူငယ်တို့ မသိကြသေးပါဘူး။ ဒါကြောင့်မို့  ကလေးသူငယ်များ သိရှိနားလည်အောင်လည်း သေချာ
ညွှန်ကြားပြသသင့်ပါသည်။ ယင်နားစာမစားဖို့ ၊ အမှည့်လွန်အသီးတွေမစားဖို့ ၊ မသန့် ရှင်းတဲ့ အစားအစာ၊
ရေ မသောက်သုံးဖို့ ၊ အိမ်သာမှဆင်းတိုင်း လက်ကိုသေချာဆေးကြောဖို့ အစရှိတာတွေကို
ကလေးများနားလည်အောင် အိမ်များ၊ ကျောင်းများတွင် စနစ်တကျသင်ကြား ပြသပေးသင့်ပါသည်။
သတိမူရမည့်အချက်တစ်ချက်
မြန်မာလူမျိုးများတွင် ပြင်ဖို့ ခက်ခဲသော ချို့ယွင်းချက်တစ်ခုရှိပါသည်။ ထွေထွေထူးထူးတော့
မဟုတ်၊ ထမင်းစားခါနီးတိုင်း လက်ကို သေချာဆပ်ပြာနှင့် မဆေးကြောကြခြင်းပင်ဖြစ်ပါသည်။ လက်ကလေးစိုရုံ ရေစွတ်ပြီး ထမင်းစားကြသည်။ စားပြီးပြီဆိုလျှင်တော့ဖြင့် ဟင်းနံ့များ
လက်တွင်မနံ့စေရန် ဆပ်ပြာဖြင့် အထပ်ထပ်အခါခါ သေချာဆေးကြောကြသည်။ ထမင်းမစားခင် လက်ကိုဆပ်ပြာဖြင့်
သေချာစနစ်တကျဆေးကြောကြသူ အရေအတွက်မှာ အင်မတန်နည်းပါးလှပါသည်။ မဖြစ်သင့်လှပါ။
အမှန်တကယ်ဆိုရင် အစာမစားမှီကတည်းက လက်ကို ဆပ်ပြာဖြင့် သေချာဆေးကြောရပါမည်။
တွေ့သမျှအရာပေါင်း သောင်းခြောက်ထောင်ကို ထိတွေ့ကိုင်တွယ်ထားသော ဤလက်သည် ရောဂါပိုးမရှိ
သန့် စင်နေပါမည်ဟု အဘယ်သူက အတပ် ပြောနိုင်ပါမည်နည်း။ မျက်စိဖြင့် မမြင်နိုင်သော ပိုးမွှားတွေ
တွယ်ကပ်နေမှာ အသေအချာဖြစ်ပါသည်။ ဒီလို မသန့် သောလက်ကို ရေလေးထိရုံမျှ ဆေးကြောရုံမျှဖြင့်
ဘယ်လိုမှ သန့်  စင်နိုင်မည် မဟုတ်ပါ။ တစ်နည်းမဟုတ်တစ်နည်း လက်မှတဆင့် အစာနှင့်အတူ
ရောဂါပိုးများ ၀င်လာနိုင်ပါသည်။ ယခုလို ရောဂါဖြစ်လွယ်သော မိုးရာသီဆိုလျှင် ၀မ်းရောဂါကူးစက်ဖို့ 
ပို၍တောင် အခွင့်သာနေပါသေးသည်။ ဒါကြောင့်မို့  ထမင်းမစားခင်လေးတော့ လက်ကိုဆပ်ပြာဖြင့်
သေချာဆေးကြောဖို့  အကြံပြုလိုပါသည်။
ဝမ်းပျက်ဝမ်းလျှော ရောဂါ ကာကွယ်ဖို့  နောက်တစ်နည်းလမ်းကတော့ ရေကို ကျိုချက်ပြီး
သောက်သုံးခြင်းပင်ဖြစ်သည်။ မိုးတွင်းကာလတွင်တော့ ရေကိုကျိုချက်သောက်နိုင်ရင် ၀မ်းရောဂါအတွက်
ပိုမိုစိတ်ချရပါသည်။ ရေကို ပွက်ပွက်ဆူအောင်ကျိုချက်ထားပြီး စနစ်တကျအဖုံးဖုံးထားကာ ရေကျက်အေး
အနေဖြင့် သောက်သုံးသည့် စနစ်သည် မိုးတွင်းကာလအတွက် အထူးသင့်လျော်လှပါသည်။
ဝမ်းလျှောတိုင်း ၀မ်းပိတ်ဆေး သောက်ဖို့ မလိုအပ်
မိမိတို့ မိသားစုဝင်များတွင် ၀မ်းပျက်ဝမ်းလျှော ဖြစ်ပြီဆိုပါကလည်း စနစ်တကျ ကုသဖို့ လိုပါသည်။
ဝမ်းလျှောသဖြင့် ခန္ဓကိုယ်မှ အရည်ဓါတ်နှင့် တခြားသတ္တုဓါတ်များ ဆုံးရှုံးသွားမည်ဖြစ်သည်။ ရေဓါတ်
အလွန်အမင်း ဆုံးရှုံးပါက ဘေးဥပဒ်ဖြစ်စေတတ်ပါသည်။ ၀မ်းလျှောပြီဆိုသည်နှင့် အများစုမှာ
ဝမ်းပိတ်ဆေးကိုသာ မိမိသဘောနှင့် မိမိ သောက်သုံးတတ်ကြသည်။ ၀မ်းပိတ်ဆေးသောက်ရုံမျှနှင့်
ဝမ်းရောဂါပိုးကို မသုတ်သင်နိုင်ပါ။ ပိုးသတ်ဆေးမဟုတ်သော ၀မ်းပိတ်ဆေးများမှာ ၀မ်းသွားခြင်းကိုသာ
အခိုက်အတန့် ရပ်တန့် စေပါသည်။ ရောဂါပိုးကိုတော့ အမြစ်ပြတ် ချေမှုန်းနိုင်ခြင်းငှါ မစွမ်းသာပေ။
ဝမ်းပိတ်ဆေး၏ အာနိသင်ကြောင့် ၀မ်းမသွားတော့သော်လည်း မိမိ၏ အူလမ်းကြောင်းထဲမှာတော့
ဝမ်းရောဂါပိုးတွေ ဆက်လက်ရှိနေဦးမည်ဖြစ်ပါသည်။
အဓိကက ၀မ်းသွားတာကို ရပ်တန့် စေဖို့ မဟုတ်ပါ။ ၀မ်းလျှော၍ ဆုံးရှုံးသွားသော အရည်ဓါတ်၊
သကြားဓါတ် အစရှိတာ တွေကို ပထမဦးစွာ ပြန်လည် ဖြည့်တင်းပေးနိုင်ဖို့  ပင် ဖြစ်ပါသည်။ ၀မ်းသွားလိုက်သဖြင့်
အူထဲတွင်ရှိသော ပိုးများ တပါတည်း အပြင်ကို စွန့်  ထုတ်လိုက်ပြီးသား ဖြစ်ပါသည်။ ထို့ ကြောင့်
ဝမ်းသွားခြင်းကို ရပ်တန့် ဖို့ ထက်၊ ၀မ်းသွားခြင်းကြောင့် ဆုံးရှုံးသွားတာတွေကို ပြန်လည်ဖြည့်တင်းနိုင်ဖို့ က
ပိုမိုအရေးကြီးပါသည်။ ထို့ ကြောင့် ၀မ်းပျက်ဝမ်းလျှောဖြစ်ပါက မလိုအပ်ဘဲ ၀မ်းပိတ်ဆေးများ
ဖိသောက်နေခြင်းကို ရှောင်ရှားသင့်ပါသည်။ ၀မ်းလျှောသည့် အကြိမ်အရေအတွက်ကလည်း
အလွန်များနေပြီး လူနာမှာ အဖျားလည်း မရှိဘူးဆိုမှသာ ၀မ်းပိတ်ဆေးများကို ရောဂါလက္ခဏာသက်သာစေရန် သောက်သုံးသင့်ပါသည်။ လိုအပ်မည်ဆိုလျှင်တော့ ရောဂါပေါ်မူတည်ပြီး
သင့်လျော်သော ပဋိဇီဝဆေးများ သောက်သုံးရမည်ဖြစ်သည်။
ရေဓါတ်ခမ်းခြောက်နေပြီလား
သတိပြုရမည့် အဓိကအချက်ကတော့ ၀မ်းပျက်ဝမ်းလျှောဖြစ်ခြင်းကြောင့်
ရေဓါတ်ခမ်းခြောက်သည့် လက္ခဏာများ ရှိမရှိ စောင့်ကြည့်ဖို့ ပင်ဖြစ်သည်။ ရေဓါတ်ခမ်းခြောက်မည်ဆိုလျှင်
မျက်ကွင်းများချိုင့်လာမည်၊ အာခေါင်တွေခြောက်လာမည်၊ အရေပြားတွေ ခြောက်လာမည်။ ရေကို
အငမ်းမရ သောက်ချင်လာမည်။ ပင်ပန်းနွမ်းနယ် နုံးချိလာမည်။ ကြွက်သားတွေ နာလာမည်။
ဒါတွေဖြစ်လာမည်ဆိုလျှင်တော့ ရေဓါတ်လျော့နည်းနေပါပြီ။ အိမ်တွင်းကုသမှုအနေဖြင့် ဓါတ်ဆားရေ
သောက်သုံးပေးပါ။ ဓါတ်ဆားတစ်ထုပ်လျှင် ရေတစ်လီတာနှုန်းဖြင့် ဖျော်စပ်ရပါမည်။ ရေကျက်အေးဖြစ်ပါက
ပိုမိုကောင်းမွန်ပါသည်။ ကလေးသူငယ်များတွင်လည်း ၀မ်းရောဂါကြောင့် ရေဓါတ်ခမ်းခြောက်နေသလား
စောင့်ကြည့်သင့်ပါသည်။ ကလေးမအီမသာ ဖြစ်လာမည်၊ ဂျီကျလာမည်၊ ဒ့ါအပြင် ကလေးက မှိန်းလာမည်၊
သတိလစ်လာမည်ဆိုပါက နီးစပ်ရာ ဆေးရုံဆေးခန်းသို့ အမြန်ဆုံးခေါ်ဆောင် ပြသသင့်ပါသည်။
အိမ်တိုင်းရပ်ရွာတိုင်း သန့် ရှင်းဖို့ လို
အမှန်တကယ်ဆိုလျှင် ၀မ်းပျက်ဝမ်းလျှောရောဂါသည် အသက်သေဆုံးလောက်အောင်ထိ
ဒုက္ခမပေးတတ်ပါ။ သို့ သော် ပေါ့ပေါ့ဆဆ ဂရုမစိုက်ခြင်းကြောင့် အရွယ်မတိုင်မှီ ကြွေလွင့်သွားရရှာသော
ကလေးငယ်များ ယနေ့ ထက်တိုင်ရှိနေပါသေးသည်။ အထက်တွင်ဖော်ပြထားသကဲ့သို့  ကျန်းမာရေး
အသိရှိသူများက ကျန်းမာရေးအသိ မရှိကြသေးသူများကို လက်ဆင့်ကမ်းပြောကြားပေးပါ။
တစ်ဦးတစ်ယောက်တည်း ကောင်းနေရုံမျှဖြင့် ဒီရောဂါများကို တားဆီးနိုင်မည်မဟုတ်ပါ။ မိမိနေထိုင်ရာ
အိမ်၊ လမ်း၊ ရပ်ရွာများကို သန့်  ရှင်းသပ်ရပ်အောင် ၀ိုင်းဝန်းလုပ်ဆောင်မည်ဆိုလျှင် ယခုလို မိုးရာသီမှာ
အဖြစ်များသော သွေးလွန်တုပ်ကွေးနှင့် ၀မ်းရောဂါများကို တားဆီးနိုင်မည်ဖြစ်ပါသည်။ ဒီလိုရောဂါတွေကို
မည်သူမျှ အလိုမရှိကြပါ။ မည်သူမျှလည်း မဖိတ်ခေါ်ကြပါ။ သို့ သော် မဖိတ်ခေါ်ဘဲရောက်လာလေ့ရှိသော
မိုးရာသီဧည့်သည်ရောဂါဆိုးများကို ကြိုတင်ကာကွယ်နိုင်ဖို့ လိုအပ်ပါသည်။ သို့ မှသာ ကျန်းမာခြင်းသုခ နှင့်
ပြည့်စုံနိုင်မည်ဖြစ်ပါကြောင်း ဆန္ဒပြု ရေးသားလိုက်ရပါသည်။
အောင်အောင် (မေ၂၂၊ ၂၀၁၁)
